છોલે ભટુરે….. નામ જ એવું છે કે મોઢામાં પાણી આવી જાય ! પંજાબની શાન ગણાતી આ વાનગી આજે સમગ્ર ભારત ના રસોઈ પ્રેમીઓના દિલમાં વસેલી છે. મસાલેદાર છોલે અને જોડે ફુલેલા ભટુરા ની જોડી તમને એક સ્વાદ, તૃપ્તિ અને ઉર્જા આપે છે. તો આજે” સ્વાદિષ્ટ પકવાન “પર જાણીએ આ લાજવાબ વાનગી છોલેની વિશેષતા અને તેની આરોગ્ય ફાયદાઓ….
છોલે એટલે મસાલેદાર ચણાનું શાક… તીખા મીઠા પંજાબી મસાલા અને ટામેટાની ગ્રેવી માં બનાવવામાં આવે છે. તેમાં લસણ ,આદુ મરચા અને ગરમ મસાલો ઉમેરીને તેને સ્વાદિષ્ટ બનાવવામાં આવે છે. છોલે ભટુરે ઘરમાં પણ બનાવી શકાય છે અને સ્ટ્રીટ ફૂડ તરીકે બહાર પણ ખાઈ શકાય છે. ભારતના મોટાભાગના શહેરોના સ્ટોલ અને રેસ્ટોરન્ટમાં મળતું ભોજન છે. ગુજરાતમાં તો હોટલમાં તો મળે જ છે પણ લારી પર પણ છોલે ભટુરે આસાનીથી મળી જાય છે. છોલે ભટુરે ખાવાથી લાંબા સમય સુધી ભૂખ લાગતી નથી તે પેટ ભરાવનાર ભોજન છે. ભટુરે બનાવવા માં મેંદો અને દહીંથી બનતી એક તળેલી પુરી….. જેની કંચન જેવી બાહ્ય સપાટી અને અંદરથી નરમ તેને અલગ બનાવે છે. ભટુરે મેદાની જગ્યાએ ઘઉંનો ઉપયોગ કરીને બનાવવામાં આવે તો તે વધારે હેલ્ધી બની જાય છે. આ વાનગી સાથે કચુંબર ,લચ્છી ,અથાણું વગેરે પણ લઈ શકાય છે જે ભોજનને સંપૂર્ણ ભોજન બનાવે છે.
છોલે એટલે કાબુલી ચણા…… કાબુલી ચણા શરીને જરૂરિયાત મુજબ પ્રોટીન આપે છે. ખાસ કરીને શાકાહારી લોકો માટે ઉત્તમ સ્ત્રોત છે. ચણામાં ફાઇબરનું પ્રમાણ વધારે હોય છે જે પાચનતંત્ર માટે લાભદાયક છે અને કબજિયાત દૂર કરવામાં મદદરૂપ છે. ભટુરામાં રહેલા કાર્બોહાઈડ્રેટ્સ તાત્કાલિક ઉર્જા આપે છે. તે દિવસની શરૂઆત માટે હેવી અને તૃપ્તિકારક નાસ્તો બની શકે છે . છોલે ભટુરે ખાવાથી લાંબા સમય સુધી ભૂખ લાગતી નથી. ભટુરે તળેલું હોય છે જે વજન અને કોલેસ્ટ્રોલ પણ વધારવાનું કારણ બની શકે છે તેથી આ વાનગી નો આનંદ સંતુલિત માત્રામાં લેવો જોઈએ.
“સ્વાદિષ્ટ પકવાન” મા તમારુ સ્વાગત છે મીઠા અને મસલેદાર છોલે ભટુરે ની રેસીપી સ્ટેપ બાય સ્ટેપ નીચે મુજબ શેર કરી છે.