ફ્રાઈડ રાઈસ

ફ્રાઇડ રાઈસ એ એક ચાઈનીઝ વાનગી છે. આ એક એવી વાનગી છે જે સાદા ભાત ને એક નવી ઓળખ આપે છે. ચાઈનીઝ સ્ટાઇલમાં તળેલી ફ્રાઈડ રાઈસમાં શાકભાજી ,સોયા સોસ અને મસાલા ઉમેરવામાં આવે છે. ઘણા લોકો પનીર અને ઈંડા જેવી વસ્તુઓ ઉમેરી ને પણ બનાવે છે.
ફ્રાઈડ રાઈસ માત્ર સ્વાદિષ્ટ નથી પણ પોષક તત્વો થી ભરપૂર વાનગી છે. તેમાં ઉમેરતી વિવિધ શાકભાજીઓ જેમકે ગાજર ,કેપ્સીકમ , અને ફણસી માં રહેલા વિટામિન એ,સી અને ફાઇબરથી ભરપૂર હોય છે. તે ત્વચા ,દ્રષ્ટિ અને હાડકા માટે પણ હિતાવહ છે. જોફ્રાઈડ રાઈસ માં તેલ ની યોગ્ય માત્રા સાથે બને તો હળવા અને પૌષ્ટિક ભોજન તરીકે ઉપયોગ માં આવી શકે છે. વધેલા સાદા ભાતનો યોગ્ય રીતે ઉપયોગ કરી ફ્રાઈડ રાઈસ બનાવવા થી ફૂડ વેસ્ટેજ પણ રોકી શકાય છે. નાના બાળકો અને યુવાનો માટે તદ્દન પચી જાય એવી વાનગી છે. જેને ટિફિન માટે પણ પરફેક્ટ માની શકાય છે.
આ વાનગી ની ઘણી વિશેષતાઓ જોવા મળે છે. ફ્રાઇડ રાઈસ એ એવી વાનગી છે જેમાં ચાઈનીઝ સ્વાદ અને ભારતીય રસોઈ નું સુંદર મિશ્રણ જોવા મળે છે. ફ્રાઈડ રાઈસ ઝડપથી બની જાય છે. આ વાનગી શાકભાજી થી ભરપુર, સોયા સોસ અને મસાલા નો વપરાશ ભાત સાથે ભળી ને એક વિશિષ્ટ સ્વાદ આપે છે, જે દરેક ઉંમર ના લોકો ને પસંદ આવે છે. આ વાનગીને મંચુરિયન ,ચીલી પનીર કે સાદા કાઠીયાવાડી શાક સાથે પણ સર્વ કરી શકાય છે. તેની સુંદર રજૂઆત રંગીન શાકભાજી અને મજેદાર સુગંધ તેને પાર્ટી ડીશ તરીકે પણ લોકપ્રિય બનાવે છે.
આ વાનગીનો ખુશ્બુદાર સ્વાદ શાકભાજી થી ભરપૂર અને તળેલા ભાતની ખાસ બનાવટ મોઢામાં પાણી લાવે એવા અનુભવ આપે છે, બાળકો થી લઇ મોટા સુધી દરેક નું મન જીતી લેતી આ વાનગી” સ્વાદિષ્ટ પકવાન”માં ચોક્કસ સ્થાન પામે એવી છે….