સેજવાન નુડલ્સ

સેઝવાન નૂડલ્સ એ ચાઈનીઝ નુડલ્સ અને ઇન્ડિયન મસાલા નું પરફેક્ટ કોમ્બિનેશન… સેઝવાન સોસ ના ઉપયોગ થી વધુ સ્વાદિષ્ટ બની જાય છે. સેજવાન નુડલ્સ એ એશિયન ફ્યુઝન ફૂડનો એક એવી વાનગી છે, જે ભારત માં ખાસ કરી ને યંગ જનરેશન માં ખૂબ લોકપ્રિય છે. આ વાનગીમાં મિક્સ વેજીટેબલ જેવા કે સીમલા મરચા, કોબીજ ,ગાજર અને લીલી ડુંગળી નું મિશ્રણ હોય છે જે માત્ર ટેસ્ટ જ નહીં પોષણ પણ આપે છે.
સેજવાન નુડલ્સ માં ઉપયોગ થતો લાલ સેઝવાન સોસ લસણ, લાલ મરચા અને ખાટા મીઠા તત્વો થી ભરપૂર હોય છે. જે તેને એક અનોખો સ્વાદ આપે છે. સેજવાન નુડલ્સ સ્ટ્રીટ ફૂડ તરીકે , પાર્ટી ડીસ તરીકે પીરસી શકાય છે. સેજવાન નુડલ્સ ઝડપથી બની જાય છે અને દરેક વયના લોકોને ભાવતી હોય છે.
સેજવાન નુડલ્સ થોડા જ સમય માં તૈયાર થઈ જાય છે એટલે વ્યસ્ત જીવનશૈલી માં પણ ટેસ્ટી ખાવાનું બનાવી શકાય છે.
આ વાનગીમાં ઉમેરાતા શાકભાજી માં આયન ,ફાઈબર ,વિટામિન એ અને સી જેવા વિટામિન પોષક તત્વોથી ભરપૂર હોય છે. આ વાનગી શાકાહારી અને નોનવેજ બંને રીતે બનાવી શકાય છે. આ વાનગી નો સ્વાદ તીખો અને મસાલેદાર હોવાથી બાળકો અને યુવાનો માટે ખૂબ જ ફેવરિટ બની જાય છે.
આ વાનગી ની વિશેષતાઓ પણ જોઈએ તો….. લસણ અને લાલ મરચા થી બનેલું સેજવાન સોસ તેનો મુખ્ય હીરો, છે જે એને ખાસ સ્વાદ આપે છે. ચાઈનીઝ નુડલ્સ અને ઇન્ડિયન મસાલાનું મિક્સ એને ફ્યુઝન ડીશ બનાવે છે. આ વાનગી સ્ટ્રીટ ફૂડ થી લઈને રેસ્ટોરન્ટ લેવલ સુધી લોકપ્રિય છે. તે દરેક જગ્યા એ પ્રેમથી ખાવામાં આવે છે. આ વાનગી નો ટેસ્ટ વધારે તીખા કે ઓછા મસાલામા બનાવી શકાય છે. ઘરમાં બનાવતી વખતે તમારા સ્વાદ પ્રમાણે તેને વધારે કે ઓછી મસાલાવાળી બનાવી શકાય છે.
જો તમે ટેસ્ટી અને ફટાફટ બનતી વાનગી શોધી રહ્યા છો તો સેજવાન નુડલ્સ એ પરફેક્ટ વિકલ્પ છે.”સ્વાદિષ્ટ પકવાન”માટે આ નુડલ્સ નું વર્ણન એક તીખા અને રંગીન રસોઈ ના પ્રવાસ જેવી અનુભૂતિ કરાવે છે.