સોજીના ઢોકળા એ એક સ્વાદિષ્ટ અને હળવો નાસ્તો છે.આ વાનગી એકદમ ઝડપથી બની જતો નાસ્તો છે. આ વાનગી પચવામાં હલકો ખોરાક છે અને તેમાં તેલનો ઉપયોગ ફક્ત ઢોકળા વધારવામાં જ થાય છે એટલે તળ્યા વગરનો ખોરાક કહી શકાય.આ વાનગી બાળકોને નાસ્તામાં, સવારના નાસ્તામાં ,સાંજે હળવી ભોગ હોય ત્યારે બનાવાય છે. આ વાનગીબનાવવામાં સોજી ,દહીં, ઈનો ,મીઠું વપરાય છે જે ઘરમાં સરળતાથી મળી જાય છે. આ વાનગી અચાનક કોઈ મહેમાન આવી જાય તો પણ ૨૦ થી ૩૦ મિનિટમાં બની જતો ઘરનો નાસ્તો છે. સોજીમાં ફાઇબર હોય છે જે પાચન માટે ફાયદાકારક છે. સોજી કાર્બોહાઈડ્રેટ થી ભરપૂર હોવાથી શરીરની ઊર્જા આપે છે. સોજીના ઢોકળામાં વપરાતું દહીં એક પ્રોટીનનો સ્ત્રોત છે. આ વાનગી માં તેલનો ઉપયોગ બહુ ઓછો થાય છે માટે શરીર ઓછું કરવા વાળા માટે ઉત્તમ નાસ્તો છે અને કોલેસ્ટ્રોલ નિયંત્રણમાં રહે છે. સોજીના ઢોકળા એ શાકાહારીઓ માટે સારો વિકલ્પ છે.આ વાનગી ને તમે અલગ અલગ વેરીએશનમાં પણ બનાવી શકાય છે જેમ કે સોજી અને દહીંના ખીરામાં મકાઈના દાણા ,વટાણા ,લીલા મરચા ,કોથમીર નાખી પણ બનાવી શકાય છે. માટે આ વાનગી એ એક પૌષ્ટિક ખોરાક છે તો સોજીના ઢોકળા ની રેસીપી હું શેર કરું છું.