Deluxe Samosa Recipe

સમોસાનું મૂળ મધ્ય એશિયામાં છે. તેની પહેલા "સંબોસા "કે "સંબુસા" કહેવામાં આવતું અને તે વેપારીઓ દ્વારા ભારત તરફ લાવવામાં આવ્યું હતું. ભારતમાં આ નાસ્તો મોગલ શાસકોના સમય દરમિયાન લોકપ્રિય બન્યો અને અહીંના સ્થાનિક મસાલા અને પદ્ધતિઓથી તેની અલગ ઓળખ સમોસા તરીકે બની. હાલ સમોસા એ એક લોકપ્રિય ભારતીય સ્વાદિષ્ટ પકવાન છે. સમોસા એ સમગ્ર ભારત તથા અન્ય દક્ષિણ એશિયાઈ દેશોમાં ખૂબ પ્રચલિત છે. યુકે અને યુએસએ ના ભારતીય હોટલોમાં એક સ્ટાર્ટર તરીકે સમોસાની ઊંચી માંગ છે. હાલ ગુજરાતમાં સમોસાની ઘણી વેરાઈટી જોવા મળે છે જેમ કે પંજાબી સમોસા ,પટ્ટી સમોસા ,ત્રિરંગી બ્રેડના સમોસા ,ચીઝ પનીરના સમોસા ,વગેરે વેરાઈટી જોવા મળે છે. સમોસાની દરેક જગ્યાએ અલગ અલગ રીતે બનાવાય છે જેમ કે શાકાહારી ,માંસાહારી ચીઝ ,કોન જેવી વેરાઈટી સાથે સમોસાનું બહારનું પડ ક્રિસ્પી અને અંદરનો મસાલો સ્વાદિષ્ટ હોય છે. સમોસામાં વપરાતા બટાટા શરીરને તાત્કાલિક ઊર્જા આપે છે. જો સમોસામાં વિવિધ શાકભાજી અને કઠોળનો ઉપયોગ કરી બનાવવામાં આવે તો તે ફાઇબર આપતો ખોરાક બની શકે છે. સમોસા સામાન્ય રીતે તળીને બનાવવામાં આવે છે તેથી વધુ પ્રમાણમાં લેવામાં આવે તો ત્વચા ,પાચનતંત્ર અને હૃદયના સ્વાસ્થ્ય પર અસર કરી શકે છે. સમોસામાં વધારે તેલ વાપરવાથી કોલેસ્ટ્રોલ વધે છે અને વજન પણ વધી શકે છે. સમોસા ને જો ઓવનમાં બેક કરીને બનાવવામાં આવે તો ઓઇલ ફ્રી સમોસા બનાવી શકાય છે. સમોસામાં મેદાની જગ્યાએ ઘઉંના લોટ વાપરવામાં આવે તો તે વધુ પૌષ્ટિક છે . સમોસાને બટાકા, વટાણા, કોથમીર, મરચા સાથે તેનો માવો બનાવવામાં આવે છે બહારના પડ માટે મેંદો કે ઘઉંનો લોટ ઉપયોગમાં લેવાય છે. સમોસાની ખજૂર આમલીની ખાટી મીઠી ચટણી અને કોથમીર મરચાની તીખી ચટણી અને લસણની ચટણી સાથે પીરસી શકાય છે. આ બધી વસ્તુનો ઉપયોગ કરીને તમે એક સ્વાદિષ્ટ પકવાન બનાવી શકો છો. સમોસાની રેસિપી તમારી સાથે શેર કરું છું.