Deluxe Idali Recipe

ઈડલી સંભાર દક્ષિણ ભારતીય વાનગી છે. જે આજે સમગ્ર ભારતમાં લોકપ્રિય સ્વાદિષ્ટ પકવાન બની ગયું છે.આ વાનગી એ બાળકો માટે પૌષ્ટિક ,હળવી અને મનગમતી વાનગી છે. દાંત વગરના કે ઓછી ચાવવાની ક્ષમતા હોય તેવા વૃદ્ધો પણ આરામથી ખાઈ શકે છે. ફિટનેસ ચાહકો માટે હાઈ ફાઇબર,ઓઇલ ફ્રી, લો કેલરી વાનગી છે. આ વાનગી સવારના નાસ્તામાં, સંભાર સાથે બપોરના ભોજનમાં અને રાત્રિના ભોજનમાં લઈ શકાય છે. આ વાનગી એ ચોખા અને અડદની દાળથી બનતી હોવાથી તે ખૂબ જ હલકી અને સરળ પણે પચી જાય છે. સંભારમાં તુવેરની દાળ અને શાકભાજી હોય છે જે શરીરને વિટામીન, મિનરલ અને પ્રોટીન આપે છે. આ વાનગીમાં તેલનો ઉપયોગ કરવામાં આવતો નથી તેથી તે તળેલી વાનગીઓ કરતા વધુ આરોગ્યદાયક છે. આ વાનગી નું ખીરુ આથો લાવવાથી તેમાં પ્રોબાયોટિક બેક્ટેરિયા વિકસે છે આ બેક્ટેરિયા પેટની તંદુરસ્તી જાળવે છે, પાચનશક્તિ સુધારે છે. ચોખામાં કાર્બોહાઈડ્રેટ હોય છે અને દાળમાં પ્રોટીન હોય છે જે શરીરને ઊર્જા આપે છે. સંભારમાં સરગવો ,ગાજર ,બટાટા, દુધી, ટામેટા વગેરે ઉમેરીને બનાવવામાં આવે છે તેથી તેમાંથી ફાઇબર, વિટામીન અને એન્ટિઓક્સિડન્ટ મળે છે. તુવેરની દાળમાં પ્રોટીનનો ઉત્તમ સ્ત્રોત હોય છે જે શાકાહારી લોકો માટે ઉત્તમ છે. ઇડલી સંભાર માત્ર સ્વાદિષ્ટ ખોરાક જ નથી પણ એ હેલ્ધી ,પાચન ક્ષમ અને ઊર્જાવાન નાસ્તો છે જે દરેક ઘર માટે એક સંપૂર્ણ વિકલ્પ બની શકે છે.p>

(1) સૌપ્રથમ ઈડલી નું ખીરું તૈયાર કરવા માટે ત્રણ કપ ચોખા અને એક કપ અડદની દાળ ધોઈ રાત્રે પલાળી દેવી અને સવારે મિક્સરમાં ક્રશ કરી આ વાનગી નું ખીરું તૈયાર કરવું ખીરાને આથો લાવવા માટે મૂકી દો અને સાંજે આ વાનગી કરવી. (2) જો ઈડલીના તૈયાર લોટ ની ઈડલી કરવી હોય તો હૂંફાળા ગરમ પાણીમાં થોડું મીઠું અને દહીં નાખીને સવારે લોટ પલાળવો અને સાંજે આ વાનગી કરવી. (3) ઈડલી ઉતરતી વખતે તેલ અને જોઈતા પ્રમાણમાં પાણી અને સોડા નાખી માપસરનું ખીરું તૈયાર કરો. (4) ઈડલીના વાસણમાં પ્રથમ તેલ લગાડી ઈડલીનું ખીરું પાથરી દેવું અને 15 થી 20 મિનિટ ઈડલી પકાવવા માટે મૂકો પછી એને ચમચીથી ઉખાડી દો. (4) આ વાનગી તૈયાર છે તેને સંભાર અને ટોપરાની ચટણી સાથે પીરસવી.