Deluxe Aloo Paratha Recipe | Swadist Pakvan

Deluxe Upma Recipe

An uttapam is a thick, savory pancake from South India made from a fermented rice and lentil batter, often with vegetable toppings. It is similar to dosa but thicker and softer.

Food Recipe Intro

ઉપમા એક પરંપરાગત દક્ષિણ ભારતીય વાનગી છે જે હવે સમગ્ર ભારત માં લોકપ્રિય છે. સામાન્ય રીતે રવા (સોજી), શાકભાજી, મસાલા અને ઘી વડે બનેલો ઉપમા નાસ્તા માં ખૂબ ખવાય છે. તેની સુગંધ અને સરળતા સાથે ઊંડો સ્વાદ ધરાવતો હોય છે. તે જલ્દી તૈયાર થઈ જતો, પૌષ્ટિક અને પાચનિય હોવાથી ઘરમાં શ્રેષ્ઠ નાસ્તો માનવા માં આવે છે. મગફળી, મીઠો લીમડો, જીરુ અને લીલા મરચાની તડકા થી તેનું સ્વાદ એકદમ લાજવાબ બને છે. ઉપમા એક એવી સ્વાદિષ્ટ અને પૌષ્ટિક વાનગી છે જે ખાસ કરીને નાસ્તામાં ખાઈ શકાય એવી છે, પણ ઘણાં લોકો તેને હલકા ભોજન તરીકે પણ પસંદ કરે છે. રવા (સોજી) ને સૂકી રીતે શેકીને બનાવવામાં આવે છે. તેમાં ઘી અથવા તેલમાં વઘાર કરેલા મસાલા, મીઠો લીમડો, મગફળી, જીરૂં, લીલા મરચાં અને વિવિધ શાકભાજી જેવી કે ગાજર, શિમલા મરચા, વટાણા ડુંગળી ,ટામેટું ,ફણસી વગેરે ઉમેરવામાં આવે છે. ગરમ પાણી નાખીને રસોઈ થતાની સાથે જ સુગંધ અને સ્વાદમાં કમાલનો અનુભવ થાય છે. તેમાં થોડી લીલી કોથમીર અને લીંબુનો રસ નાંખવાથી તેનો સ્વાદ વધારે આવે છે. ઉપમા માત્ર સ્વાદમાં જ નહીં, પણ આરોગ્ય માટે પણ અનેક રીતે લાભદાયક છે, અને શાકાહારી લોકો માટે ઉત્તમ વિકલ્પ છે.

ઉપમા ના ફાયદા:

1. હેલ્ધી વજન માટે સહાયક: ઉપમા માં ફાઈબર નું પ્રમાણ વધારે હોય છે, જે લાંબા સમય સુધી ભૂખ લાગતી નથી અને ઓવર ઈટિંગ અટકાવે છે.

2. ડાયાબિટીસ માટે યોગ્ય: ઓટ્સ અથવા બ્રોકોલી જેવી હેલ્ધી સામગ્રી ઉમેરવાથી ડાયાબિટીસ દર્દીઓ માટે પણ સલામત બની શકે છે.

3. હાઇ ડ્રેશન: ગરમ પાણીના ઉપયોગને કારણે તે શરીરને હાઇડ્રેટ રહેવામાં મદદ કરે છે.

4. બાળકો માટે પૌષ્ટિક નાસ્તો: શાકભાજી ઉમેરવાથી વિટામિન A, C અને આયર્ન પણ મળે છે.

5. પ્રેગ્નન્સી અને વૃદ્ધો માટે પણ યોગ્ય: ઉપમા પચવામાં હળવો અને પૌષ્ટિક હોવાથી દરેક ઉંમરના લોકો માટે સારું રહે છે.

"સ્વાદિષ્ટ પકવાન માં" શાકભાજી થી ભરપૂર અને વિટામિન થી ભરપૂર એવો વેજીટેબલ ઉપમા બનાવવા ની રેસીપી આપેલી છે જે બનાવો અને તમારો અનુભવ શેર કરો

ઉપમા ની વિશેષતાઓ:

1. ફ્યુઝન વાનગી બનાવી શકાય: તેને ઓટ્સ, દાળિયા, બાજરી, અથવા બ્રેડ વડે પણ બનાવી શકાય છે.

2. ટ્રાવેલ ફ્રેન્ડલી: ઠંડો થયા બાદ પણ તેની ટેસ્ટ રહે છે એટલે મુસાફરી માટે પણ યોગ્ય છે.

3. વિશ્વસનીય ઓટો ડાયટ વાનગી: ઓછા મસાલા, ઓછી ચરબી અને વધુ પૌષ્ટિકતા થી બનેલી વાનગી.

4. ઝટપટ તૈયાર થાય: 10-15 મિનિટમાં રેડી થઈ જાય છે, ખાસ કરીને બિઝી લાઈફ માટે પરફેક્ટ છે.

ઘણી વેરાયટીઓ ઉપલબ્ધ: તમારું મનગમતું તડકો, દહીં સાથે, કોથમીરથી ગાર્નિશ કરી શકાય છે.

ઉપમા બનાવવા માટે:-

પૂર્વ તૈયારી નો સમય:-5 થી 10 મિનિટ

પાકવાનો સમય:-15 મિનિટ

કેટલા લોકો માટે:-4 થી 5 વ્યક્તિ માટે

ઉપમા બનાવવા માટે વપરાતી સામગ્રી:-

(1) 1 કપ સોજી

(2) 1 ડુંગળી, 1 ટામેટા

(3) 2-3 લીલા મરચાં,1 ઇંચ આદુ નો ટુકડો

(4) મીઠા લીમડાના પાન, સ્વાદ પ્રમાણે મીઠું, ખાંડ

(5) 2 ચમચી અડદની દાળ

(6) 2 ચમચી ચણા દાળ, હિંગ

(7) 1\4. કપ લીલા વટાણા

(8) 1\4 કપ ગાજર

(9) ફણસી ઝીણી સમારેલી (ફરજિયાત નથી)

(10) 2 ચમચી રાઇ

(11) તેલ અને ઘી

(12) 4 ચમચી મગફળી દાણા

ઉપમા બનાવવાની રીત:-

(1) સૌપ્રથમ એક કપ સોજી ને ધીમા તાપે શેકી દો.

(2) ત્યારબાદ એક વાસણમાં બે ટેબલસ્પૂન તેલ લો તેમાં સીંગદાણા અને કાજુને તળીને બીજા વાસણમાં લઈ લો .(ગાર્નીશિંગ ટાઈમે વાપરવાના છે)

(3) હવે તે જ વાસણમાં બે ચમચી અડદની દાળ, બે ચમચી ચણાની દાળ અને રાઈ ઉમેરીને તેને સાંતળી દો પછી તેમાં હિંગ, લીલા મરચા, મીઠા લીમડાના પાન નાખી વઘાર તૈયાર કરો.

(4) વઘાર તૈયાર થઈ ગયા પછી તેમાં ડુંગળી ઉમેરો. ડુંગળી શેકાઈ ગયા પછી તેમાં વટાણા ,ગાજર ,ફણસી (ફણસી ફરજિયાત નથી )ઉમેરી ઢાંકીને ત્રણથી ચાર મિનિટ શેકાવા દો. શેકાઈ ગયા પછી તેમાં સ્વાદ પ્રમાણે મીઠું ઉમેરો અને એક ઇંચ નો આદુનો ટુકડો છીણીને ઉમેરો. ત્યારબાદ એક નાનું ટામેટું ઝીણું સમારીને ઉમેરો પછી ટામેટાની ખટાશ બેલેન્સ કરવા બે ચમચી ખાંડ ઉમેરો અને બધું બરાબર મિક્સ કરો.

(5) બધુ બરાબર મિક્સ થઈ જાય એટલે શેકેલો સોજી ઉમેરો. અને બધું બરાબર મિક્સ કરી તેમાં બે ચમચી ઘી ઉમેરી એકાદ મિનિટ શેકાવા દો. હવે તેમાં સવા ત્રણ કપ ગરમ ઉકાળેલું પાણી ધીરે ધીરે ઉમેરો. (જે કપથી સોજી લીધો હોય તે જ કપનું માપ લેવું) ત્યારબાદ એકદમ સારી રીતે મિક્સ કરી ધીમા ગેસ પર ત્રણથી ચાર મિનિટ થવા દો. ઉપમા તૈયાર છે.

(6) ત્યારબાદ ઉપરથી તળેલા સીંગદાણા કાજુ કોથમીર અને ચમચી ઘી ઉમેરી બરાબર મિક્સ કરો અને ઉપમાને સર્વિંગ પ્લેટમાં લઈ લો.

📋 FAQ (વારંવાર પૂછાતા પ્રશ્નો)

ઉપમા દાણા-દાણા અને સોફ્ટ કેવી રીતે બને?

રવોને પહેલા સુકાં શેકી લો, જેથી તે સુગંધિત અને અલગ દાણા-દાણા રહે. પાણી ઉમેરતી વખતે સતત હલાવતા રહો જેથી ગાંઠા ન પડે.

ઉપમા વધુ સ્વાદિષ્ટ બનાવવા શું ઉમેરવું?

ઘીનો ઉપયોગ કરો, રાઈ, ઉડદ દાળ, કાંદા અને મીઠા કાજૂ તડકામાં ઉમેરો. ઇચ્છો તો શાકભાજી જેવી કે ગાજર-મટર પણ મિક્સ કરો.

ઉપમા સૂકો થઈ જાય તો શું કરવું?

પાણી થોડું વધારાના પ્રમાણમાં ઉમેરો અથવા થોડું દહીં મિક્સ કરવાથી ઉપમા ફરીથી સોફ્ટ અને નરમ બની જશે.

Nutritional Info (per 100g approx.)

Calories: 155 kcal
Protein: 4g
Fat: 6g
Carbohydrates: 22g
Fiber: 2g

What Our Readers Say

Neha J. – “Perfect breakfast! The texture came out light and flavorful.”

Ramesh K. – “Loved the roasted aroma of the rava. Just like South Indian hotels!”

Divya T. – “Quick to make and very tasty. My family enjoyed it with coconut chutney.”